കാലാതീതം കാവ്യവിസ്മയം സംഗീതം സ്നേഹസാന്ദ്രം

കാലത്തെ അതിജീവിച്ച് ജനമനസ്സുകളിൽ ചിരപ്രതിഷ്ഠ നേടിയ മലയാളത്തിന്റെ പ്രിയ കവി ശ്രീ.വയലാറിനെ ആദരിച്ചു കൊണ്ടും സമൂഹനന്മ കുട്ടികളിലൂടെ എന്ന ആശയത്തെ സാക്ഷാത്കരിച്ചു കൊണ്ടും 

മട്ടാഞ്ചേരി ബി.ആർ.സിയുടെ ആഭിമുഖ്യത്തിൽ ഫോർട്ട് കൊച്ചിയിലെ ഗുഡ് ഹോപ്പ്  എന്ന അഗതി മന്ദിരത്തിലെ അന്തേവാസികൾക്കൊപ്പംവയലാർ അനുസ്മരണദിനം ആചരിച്ചു.പള്ളുരുത്തി എസ് .ഡി.പി.വൈ.ജി.വി.എച്ച് .എസ് എസിലെ വിദ്യാർത്ഥികളും  വിവിധ പരിപാടികളുമായി  ഒപ്പം ചേർന്നു .ശ്രീ.വയലാറിന് ആദരാഞ്ജലികൾ അർപ്പിച്ചുകൊണ്ട് കുമാരി.ദേവികജയൻ അനുസ്മരണ പ്രഭാഷണം നടത്തി.തുടർന്ന് വയലാറിന്റെ ജനപ്രിയ ഗാനങ്ങൾ കോർത്തിണക്കി കൊണ്ട് ഒരു ഗാനമാല കുട്ടികൾഅവതരിപ്പിച്ചു .ട്രെയ്നർ ശ്രീമതി.നിഷ ദിനാചരണത്തിന്റെ വിശദാംശങ്ങൾ നൽകി.ഐ.ഇ.ഡി.സിമാരായ ശ്രീമതി.മുംതാസ്, ശ്രീമതി.ഫിലോമിന എന്നിവർ വിവിധ പരിപാടികൾ അവതരിപ്പിച്ചു.വയലാറിന്റെ ഗൃഹാതുരത്വമുണർത്തുന്ന പാട്ടുകൾ ഗുഡ്ഹോപ്പിലുള്ളവരെ ആനന്ദഭരിതരാക്കി.അവർ പാട്ടുകൾ പാടി .12.30 ബി.ആർ.സി .സ്റ്റാഫ് എല്ലാവരും ചേർന്ന് ഉച്ചഭക്ഷണം വിളമ്പി.എല്ലാവർക്കും എല്ലാ നന്മകളും ആയുരാരോഗ്യവും നേർന്നു.